जि.प. आणि प.स.साठी 6 एप्रिलला मतदान

विविध जिल्हा परिषदा व पंचायत समित्यांमधील

रिक्तपदांच्या पोटनिवडणुकांसाठी 6 एप्रिलला मतदान

मुंबई, दि.07: धुळे, वर्धा व उस्मानाबाद जिल्हा परिषदेच्या प्रत्येकी एका रिक्तपदांच्या पोटनिवडणुकीसाठी आणि विविध बारा पंचायत समित्यांच्या निर्वाचक गणांच्या रिक्त पदांच्या पोटनिवडणुकांकरिता 6 एप्रिलला मतदान; तर 7 एप्रिल 2018 रोजी मतमोजणी होणार असल्याची माहिती राज्य निवडणूक आयुक्त ज. स. सहारिया यांनी आज येथे दिली.

श्री. सहारिया यांनी सांगितले की, या सर्व ठिकाणी नामनिर्देशनपत्रे 17 ते 22 मार्च 2018 या कालावधीत स्वीकारली जातील. 18 मार्च 2018 रोजी शासकीय सुट्टीमुळे नामनिर्देशनपत्रे स्वीकारण्यात येणार नाहीत.

       जिल्हा परिषद- पोटनिवडणूक होणारे निवडणूक विभाग: 22-चिमठाणे (ता. शिंदखेडा, जि. धुळे), 19-हमदापूर (ता. सेलू, जि. वर्धा) आणि 30-आनाळा (ता. परंडा, जि. उस्मानाबाद).

       पंचायत समिती- पोटनिवडणूक होणारे निर्वाचक गण: 61- पिंगुळी (ता. कुडाळ, जि. सिंधुदुर्ग), 87-नगाव (ता. जि. धुळे), 71-साक्री (ता. साक्री, जि. धुळे), 77-तुर्काबाद (ता. गंगापूर, जि. औरंगाबाद), 60-संवदगाव (ता. वैजापूर, जि. औरंगाबाद), 66-सगरोळी (ता. बिलोली, जि. नांदेड), 83-मारतळा (ता. लोहा, जि. नांदेड), 77-काटी (ता, तुळजापूर, जि. उस्मानाबाद), 78-सौंदड (ता. सडक-अर्जुनी, जि. गोंदिया), 92-आजंती (ता. हिंगणघाट, जि. वर्धा), 64-घुग्घुस-2 (ता. जि. चंद्रपूर) आणि 22-मानापूर (ता. आरमोरी, जि. गडचिरोली).

निवडणूक कार्यक्रमाचा तपशील

·        नामनिर्देशनपत्रे सादर करणे- 17 ते 22 मार्च 2018

·        नामनिर्देशनपत्रांची छाननी- 23 मार्च 2018

·        अपील नसल्यास उमेदवारी मागे घेणे- 28 मार्च 2018

·        अपील असल्यास उमेदवारी मागे घेणे- 02 एप्रिल 2018

·        मतदानाचा दिनांक- 06 एप्रिल 2018

·        मतमोजणीचा दिनांक- 07 एप्रिल 2018

बृहन्मुंबईसह 7 महानगरपालिकांतील रिक्तपदांसाठी 6 एप्रिलला मतदान

बृहन्मुंबईसह 7 महानगरपालिकांतील

रिक्तपदांसाठी 6 एप्रिलला मतदान

मुंबई, दि. 7: बृहन्मुंबई, नाशिक, सोलापूर, जळगाव, पुणे, अहमदनगर व उल्हासनगर महानगरपालिकेच्या प्रत्येकी एका रिक्तपदांच्या पोटनिवडणुकीसाठी 6 एप्रिलला मतदान; तर 7 एप्रिल 2018 रोजी मतमोजणी होणार आहे, अशी माहिती राज्य निवडणूक आयुक्त ज. स. सहारिया यांनी आज येथे दिली.

श्री. सहारिया यांनी सांगितले की, नामनिर्देशनपत्रे 13 ते 20 मार्च 2018 या कालावधीत दाखल करता येतील. 18 मार्च 2018 रोजी शासकीय सुट्टीमुळे नामनिर्देशनपत्रे स्वीकारण्यात येणार नाहीत. 21 मार्च 2018 रोजी नामनिर्देशनपत्रांची छाननी होईल. नामनिर्देशनपत्रे मागे घेण्याची अंतिम मुदत 23 मार्च 2018 पर्यंत असेल. निवडणूक लढविणाऱ्या उमेदवारांना 24 मार्च 2018 रोजी निवडणूक चिन्हे नेमून देण्यात येतील. 6 एप्रिल 2018 रोजी सकाळी 7.30 ते सायंकाळी 5.30 या वेळेत मतदान होईल. मतमोजणी 7 एप्रिल 2018 रोजी सकाळी 10 वाजता सुरू होईल.

पोटनिवडणुका होणारे महानगरपालिकानिहाय प्रभाग: बृहन्मुंबई- 173, नाशिक- 13-क, सोलापूर- 14-क, जळगाव- 26-ब, पुणे- 22-क, अहमदनगर- 32-ब आणि उल्हासनगर- 17-ब.